இஸ்ரோவில் 242 காலி பணியிடங்களுக்கு விண்ணப்பிக்கலாம்

இந்திய விண்வெளி ஆராய்ச்சி நிறுவனம் (இஸ்ரோ) நிர்வாக பணிகளில் 242 காலியிடங்களை நேரடி நியமன முறையில் நிரப்புவதற்கான அறிவிப்பை வெளியிட்டுள்ளது.

உதவியாளர் பதவியில் 120-ம், மேல்நிலை எழுத்தர் பணியில் 76-ம், இளநிலை நேர்முக உதவியாளர் பதவியில் 22-ம், சுருக்கெழுத்தர் பதவியில் 24-ம் என மொத்தம் 242 காலியிடங்கள் இடம்பெற்றுள்ளன.

உதவியாளர், மேல்நிலை எழுத்தர் பதவிகளுக்கு விண்ணப்பிக்க ஏதேனும் ஒரு பட்டப்படிப்பும் கணினி அறிவும் வேண்டும். இளநிலை நேர்முக உதவியாளர், சுருக்கெழுத்தர் பதவிகளுக்கு பட்டப்படிப்பும், சுருக்கெழுத்து பயிற்சியும் (நிமிடத்துக்கு 60 வார்த்தைகள்) அவசியம்.